பிரெயிலில் ஓர் அழைப்பிதழ்

,வெளியிடப்பட்டது February 2, 2022

இந்த வகைமைக்குள் வரும் பதிவுகளைப் படிக்க இங்கே க்லிக் செய்யவும் அறிவிப்புகள், சவால்முரசு

இத்தகைய உணர்வுள்ள பார்வ்ஐயற்றவர்கள் இருக்கும்வரை பிரெயிலும் அதன் மகத்துவமும் என்றென்றும் அழியாமல் காக்கப்படும்

எதிர்வரும் பிப்பரவரி 6ஆம் நாள் ஞாயிற்றுக்கிழமை இனிய நண்பர் செல்வன். பாலகிருஷ்ணன் மற்றும் அன்புத் தங்கை செல்வி. ஷியாமலா இருவரும் இருமனம் கொண்ட திருமண உறவில் இணையவிருக்கிறார்கள். இந்த நன்னாளுக்கான அழைப்பிதழை அவர்கள் தங்களின் பார்வையற்ற நண்பர்களுக்காக பிரெயிலிலும் அச்சடித்து வழங்கியிருக்கிறார்கள். அத்தோடு அச்சு அழைப்பிதழில் நிகழ்விடங்களை எளிதில் அறிய QR code முறையும் பயன்படுத்தப்பட்டுள்ளது.

எனக்குத் தெரிந்தவரை திருமண அழைப்பிதழை பிரெயிலில் முதன்முதலில் அச்சடித்து வழங்கியவர்கள் திரு. பாண்டியராஜ் மற்றும் திருமதி. முத்துச்செல்வி பாண்டியராஜ் தம்பதிகள்தான். அதன்பிறகு நண்பர் திரு. பாலகணேசன் அவர்கள் தன் திருமண அழைப்பிதழை பிரெயிலிலும் அச்சடித்துவழங்கினார். இப்போது இவர்களும் அதே பெருமித செயலைச் செய்திருக்கிறார்கள். இத்தகைய உணர்வுள்ள பார்வ்ஐயற்றவர்கள் இருக்கும்வரை பிரெயிலும் அதன் மகத்துவமும் என்றென்றும் அழியாமல் காக்கப்படும் என்ற நம்பிக்கை இருக்கிறது.

இதையெல்லாம் பார்க்கையில் இவர்கள் மீதெல்லாம் ஒருவித பொறாமை ஏற்படுகிறது. என்ன செய்ய? இதற்காக இன்னொரு முறை திருமணம் செய்துகொள்ள முடியாதே என என்னை நானே தேற்றிக்கொள்கிறேன்.